Адыгэ Республикэм чаеу къыщагъэкIырэр, дунаем итемыр лъэныкъо анахь чъыжьэу къыщыкIырэ чаер ары. Ар чIыгоу къызыщагъэкIырэм илъэгагъэ метер 600 мэхъу. Ащ пае ар адрэ чайхэм иIэшIугъэкIи, уцэу хэлъыхэмкIи, тэкIу атекIы.
Мы шэкIогъу мазэм, чайхэр къэныкъыгъэхэу, дахэдэдэхэу къэлъагъох. Ахэр зэригъэлъэгъунэу зышIоигъо туристхэм апае зекIо гъогухэр (турхэр) агъэхьазырыгъэх. А турхэр къуаджэу Цветочнэ къыщаубли, километрэ заулэ лъэсэу удэкIуае чай шъофхэм уанэсыфэнэс. Джащ фэдэу туристхэм къарагъэкIохьы, чай шъофхэр арагъэлъэгъу ытIанэ чаем фэгъэхьыгъэ музейеу щыIэм чIащэхи, ащ чIэлхэр арагъэлъэгъу ыкIи Адыгэ чаем итхыдэ афаIуатэ.