Sunday, June 22, 2014

ИлъэсыкIэм апэрэ мэфэкIыр Адыгабзэм и маф - 14.03.2014


ИлъэсыкIэ къэс апэрэ мэфэкIэу Адыгэхэм агъэмэфэкIырэр Адыгабзэм и мафэр ары. Ар гъэтхапэм и 14-р ары зытефэрэр. 

Адыгабзэм и мафэ дунаем тет Адыгэ пстэуми мэфэкI мафэу хагъэунэфыкIы. Мы мафэм фэгъэхьыгъэу Адыгэ Хэкум ыкIи хэхэсым зэхахьэхэр ащашIых. Ащ Адыгабзэм ехьылIагъэ тхылъэхэр, тхыгъэхэр, къэгъэлъэгъонхэр ыкIи нэмыкIхэр къыщагъэлъагъох.

Адыгэ Республикэм и президентыгъэу Джарымэ Аслъан Адыгабзэм и мафэ хагъэунэфыкIынэу 2000-рэ илъэсым унашъо ышIыгъагъ. Ар хабзэ хъугъоу илъэс къэс АдыгеимкIэ агъэмэфэк1ы. Джащ фэдэу Къэбартае-Бэлъкъарым, Къэрэщай-Черкесым, хы-Iушъо Щапсыгъэм, Урысием изэфэшъхьэф шъолъырэу Адыгэхэр зыщыпсэурэм ыкIи IэкIыбым щыпсэурэ Адыгэхэм мы мафэр хагъэунэфыкIы.